ONS UITGANGSPUNT
DIS ‘N ERVARING!
Ons by De Vette Mossel Harties poog om veel meer te bied as bloot ‘n ete – dit is ‘n ervaring, in ongewone en informele omstandighede, waar jy saam met vriende (oues en nuutgevondes) gesellig saam verkeer, waar niemand jou aanjaag nie en waar jy soveel seekos eet as waarvoor jy lus is – net soos ons langs die Weskus maak.
DIE UITSTEKENDE VOORBEREIDING VAN TOP GEHALTE SEEKOS, IN OORVLOED, EN WAARDE VIR GELD, IS ONS ERNS.
SKINK ‘N WYNTJIE
Met aankoms verwelkom ons jou met ‘n gratis glas goeie Kaapse wyn. Ons het ook ‘n kontantkroeg met fantastiese ‘beach cocktails’, die beste Kaapse wyne en alle ander bekende drankies.
SPYSKAART
Eet soveel jy wil- of kan!
Ons spyskaart bestaan uit 7 gange, van 13 disse wat na mekaar as ‘n rollende buffet voorgesit word. Van alles kan jy soveel eet as wat jy wil – of kan! En dan is daar nog Garnale, Kalamari en Vangs van die Dag addisioneel beskikbaar sou jy wou smul! Maar dis glad nie so maklik nie…
Feitlik al die disse word net daar, voor jou, op oop vure voorberei – dit waarborg van-die-rooster-af-vars seekos – soos dit hoort!
Wees rustig, ontspan – ons eet amper drie ure lank. En onthou, niks raak ooit op nie – die ergste wat kan gebeur is dat nog op pad is!
Maar asseblief, moet nie handgesnyde kristalglase of silwer eetware verwag nie! Ons is op die “strand” en doen soos ons langs die Weskus doen- hier eet ons met ‘n mosselskulp. As dit nie in jou smaak val nie, of jy reken die lewe skuld jou meer van die verfynde, gaan jy waarskynlik meer tuis voel in ‘n duur Franse Restaurant.
*Ten spyte van kos in oorvloed op ons spyskaart mors ons nie graag nie – alle kos wat oorbly word uitgedeel aan behoeftige gesinne in die omgewing.
wat die hele tyd net daar gebak word – met plaasbotter en konfyt. (Pasop vir hom – die lekkerte daarvan gaan jou verlei!), gebraai met uie, handevol knoffel en plaasbotter;
, met uie gestoom in wyn
– en soet-soetpatats – Weskus styl
kalamari-repe, mossels, en handevol skoongemaakte garnaalsterte;
Rys (vir die wat die sousies wil opvang);
Mengelslaai– (ons praat nie graag oor slaai nie);
Groentedis met melk en kaas. (tot Karoo-boere eet van hom)
(vir diegene wat nie eintlik seekos eet nie)
of Tropiese Vrugte(Gly in jou keel af)
– soet na die sout (Sorry! – we do not do tea)
Addisioneel:
– met uie en botter/olie – die sjef sal sê
– met uie gebak in botter (dis hoe hy eintlik moet smaak)
– Proe die see!
Slegs groen SASSI produkte word in die buffet gebruik.*
Spyskaart is onderhewig aan seisoene en beskikbaarheid.
* GARNALE word deur Sassi gelys as Oranje, (d.w.s “dink twee keer”). Ons gebruik slegs geboerde garnale vanaf ‘n volhoubare bron, wat heel bedien word en nie oopgevlek/skoongemaak is nie- die delikate geur van garnale is in die dop! Ons berei dit voor en eet dit soos ons langs die Weskus doen.
* WESKUS KREEF word gelys deur Sassi as Rooi, dus “Moenie koop nie”. Dit is nie deel van ons buffet nie en is addisioneel. Besluit dus self.
TROUES & FUNSKIES
Droom van ‘n troue op die strand al is dit in die binneland? Dit hoef nie ‘n droom te bly nie! Gesels met ons om jou troudag waarlik onvergeetlik te maak – jy is dit werd!
Ons Strand-seekosrestaurant is die perfekte “strand” trou venue, waar liefde, romanse, pret en drome saamkom om ‘n pragtige realiteit te word. By De Vette Mossel waarborg ons jou ‘n unieke strand-see omgewing teen onverbeterlike pryse. Kom hou kaalvoet troue op ons strand waar ‘n onvergeetlike seekos-buffet bedien word.
NB. Volg asb die skakel vir meer inligting en Vrae & Antwoorde oor ons troues.
FUNKSIES
De Vette Mossel leen hom uitstekend tot jaareind-, spanbou- en ander funksies. Ons kan maklik groot groepe hanteer- die Mossel sal maklik tot 350 gaste kan sit! Die atmosfeer is ook idillies vir verbeeldingryke temas – seerowers, “Beach Party”, Hawaii, “Fun on the Beach”, ens.
Belê in jou belangrikste bate – jou personeel. Hulle is dit werd!
WEER
Hoewel De Vette Mossel gedeeltelik ‘n opelug restaurant is, is alle sitplekke onder afdak en beskerm teen wind en reën. Verder kan die hele restaurant binne minute toegemaak word, sodat dit ten volle operasioneel is selfs in die geval van reën en sterk wind.
En as dit dalk reën – moet net nie kla nie. Dis Afrika en reën is altyd ‘n seëning.
Wie’s Ons? Waar het dit begin?
Vroeg in Desember 2004, het eienaar Niël du Bois en ‘n aantal werkers/vriende met Brolloks, ‘n Chev-lorretjie van 1950, hooggelaai met planke, toue en nette op Mosselbaai opgedaag – om na dekades as joernalis sy vrye gees uit te leef en ‘n seekos-eetplek êrens op ‘n strand oop te maak.
Met die Genade van Bo (en te danke aan ‘n munisipale amptenaar of twee wat die visie van ‘n seekos-eetplek op die strand gedeel het) is die eerste De Vette Mossel staangemaak, die deure spreekwoordelik oopgegooi en die eerste gaste het opgedaag… en opgedaag…en opgedaag…
Te danke aan volgehoue en gewaardeerde ondersteuning van nuutgevonde Mossel-vriende, het De Vette Mossel gegroei en gegroei. Dit was onvermydelik dat die sukses moes oorspoel en in 2012 is die eerste vure van De Vette Mossel Harties in Hartbeespoort aangesteek met ons eie bosveld strand en tietiesbaai ligtoring! In 2013 maak De Vette Mossel Parys oop en in 2018 die vierde De Vette Mossel te Hermanus.
By De Vette Mossel @ Harties is jou gasheer en vrou Jannie en Rochelle Geyer wat grootgeword het met De Vette Mossel konsep. Hulle volg nes Niël ook hul droom weg van die gejaagde stadslewe en dit is hier in Harties waar hulle ‘n eie stukkie seeparadys het- De Vette Mossel @ Harties.
Die braaiers, skoonmakers en kombuispersoneel is ‘n storie op sy eie. Net werklose mense is aangestel, opgelei en vandag is hulle onlosmaakbaar deel van die De Vette Mossel-familie. Sonder hulle is De Vette Mossel nie moontlik nie – daarom dat hulle ook in die winste/vrugte van sukses deel.
Niël self kom kuier gereeld om ook 100% seker te maak dat De Vette Mossel @ Harties identies aan die visie van die De Vette Mossel restaurante wat konsep, spyskaart en kwaliteit betref, en sodat baber nie dalk skielik op die spyskaart verskyn nie!
DE VETTE MOSSEL VISIE
Ons streef om:
‘n Onvergeetlike en tradisionele, eg Weskus-ervaring aan alle mense te bied in ‘n lekker, ontspanne en gesellige atmosfeer.
‘n Unieke belewenis, eerlike seekos in oorvloed, kwaliteit & waarde vir geld te bied.
‘n Positiewe verskil te maak in die lewens van ons werkers en in die gemeenskap waarin ons bedien.
Uitnemendheid en passie na te streef in alles wat ons doen.
AGTER WATTER DUIN?
DE VETTE MOSSEL @ HARTIES is op die R511 in Hartbeespoortdam, langs die Ennis Teetuin en naby die Jasmyn Vrugtemark.
Gallery
Disse
Gange
venues
Pryse & Kontak ons
Bel of Whatsapp
De Vette Mossel Harties is heeljaar oop!
Meestal naweke oop vir middagetes (12:00) of aandetes (18:00),
vra gerus vir beskikbare datums.
Bespreking NOODSAAKLIK!
Vir Funksies van meer as 40 mense kan die Mossel Enige dag bespreek word.
Bespreek Nou
R350
Per Volwassene
R310
Per Pensionaris
R150
Per Laerskoolkind
R50
Voorskools
R0
3 Jaar en jonger
S.Q. vir ‘n heel Weskuskreef
R220 vir 400g heel garnale
R80 vir 170g Kalamari steak
R60 vir Vangs van die Dag
R120 Kurk fooi per cooler (Nie van toepassing op werksfunksies nie)
Tariewe is onderhewig aan veranderinge – een keer ‘n jaar op 1 Desember.
(NEEM KENNIS ASB: Goed toegeruste kontantkroeg is beskikbaar! Ons het krediet/debietkaart-geriewe).
Besprekings is noodsaaklik. Eerstens om u teleurstelling te spaar en tweedens om ons in staat te stel om behoorlik vir u voor te berei.
De Vette Mossel behou die reg voor om te kanselleer indien die minimum aantal gaste nie bereik word nie.
Tripadvisor
Wat ons Kliënte sê
Langs die Walvisse
HERMANUS
Op Die See
GROOTBRAK
Die Dorp Van Kos
PARYS